我除咗講恭喜之外，都唔知應該講乜嘢好。

林峯成為十大勁歌金曲最受歡迎男歌星，兼憑《幼稚完》同《頑石點頭》捧走多個獎項。我本來想寫一篇千字文講佢，但我唔知應該講乜嘢好，最後都費事寫。

或許好多人都唔妥林峯唔夠料都攞到獎，重話香港樂壇已死。不過，如果可以從另一角度去睇，其實未嘗唔係一件壞事，因為佢至少唔使再攞亞（皆老街至）太（子道西）區最受歡迎男歌星獎。最重要嘅一點，就係佢可以有機會功成身退，唔使再畀人恥笑，陀衰成個香港樂壇。

林峯攞獎已成事實，點插都無用，最後我只引用周星馳名言贈興︰「我除咗講恭喜之外，都唔知應該講乜嘢好。」